Duela urte batzuk jarri nuen blog hau martxan irundarrokin kontaktuan egoteko beste bide bat bezala. Honen bidez tokiko gaurkotasunezko albisteak, ekitaldiak, jardunaldi ahaztezinak, festak, oroitzapenerako irudiak eta ahaztu ezin diren datak errepasatu ditut. Gainera alkate izate honetan ezinbestekoak diren iritzi aberasgarriak, positiboak eta kritika konstruktiboak jaso ditut bertan.
Blogari sare sozialak eta YouTubeko perfila gehitu zitzaizkion, eta ziurtatu nahi dizuet hauen bidez pertsona bikainak ezagutu eta baliozko iritziak jaso ditudala. Izan ere gaur egun sare sozialek eskaintzen dituzten aukerak ezinbestekoak dira gaurkotasunera eta errealitatera lotutaa egoteko. Onartu behar dut on-line mundu honi ez diodala nahi beste denbora eskaintzen, baina bai planteatzen dizkidazuen galdera gehienak erantzuteko adina.
Orain orria berritu dugu erosoagoa eta argiagoa izateko. Sareetan, bideoetan edo honelako postetan elkar aurkitzen jarraituko dugu. Nire asmoa da hitzordu honetara leial izaten jarraitzea eta espero dut zuek ere zuen ikuspuntuak ematen jarraitzea. Eskerrik asko hor egoteagatik!
Azken iruzkinak